سيد محمد الصافي
السلام عليكم ورحمه الله وبركاته
اهلا ومرحبا بك ايها الزائر الكريم
انت الان في موقع
سماحه الخطيب الحسيني السيد محمد الصافي
نتمنى ان تقضوا معنا اسعد الاوقات
نرجوا ان لا تبخل علينا بنضمامك معنا
وتكون احد الاعظا المتميزين

سيد محمد الصافي

موقع سماحه السيد محمد الصافي  
الرئيسيةاليوميةمكتبة الصورس .و .جبحـثالأعضاءالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» يبويه مَرعليَّه
الإثنين يناير 05, 2015 1:54 pm من طرف الحجار

» مولود للرسول الاعظم صلى الله عليه وءآله((لولاه))
الأحد يناير 04, 2015 3:46 pm من طرف الحجار

» ألمن هل الورد والياس
الأحد ديسمبر 28, 2014 11:23 pm من طرف الحجار

» ليالي شهر الاحزان /7
الثلاثاء أكتوبر 14, 2014 1:22 pm من طرف الحجار

» علــــــــــــــــــــــــــــــــــــــــي
الثلاثاء أكتوبر 14, 2014 1:08 am من طرف الحجار

» جواب الموالي للنواصب
الإثنين أكتوبر 13, 2014 1:23 am من طرف الحجار

» علـــــــي الجوهـــــــــر
الأحد أكتوبر 12, 2014 2:38 am من طرف الحجار

» تاج الوصايه قصيده كعده لعيد الغديرالاغر
السبت أكتوبر 11, 2014 10:07 pm من طرف الحجار

» سيد محمد الصافي مغرورين
الثلاثاء أغسطس 26, 2014 5:33 pm من طرف عباس عبد الجبار

التبادل الاعلاني

انشاء منتدى مجاني



دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 بفراكك اتيه // ثوره

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الحجار

avatar

عدد المساهمات : 98
تاريخ التسجيل : 22/11/2012
العمر : 57
الموقع : النجف-الكوفه المقدسة

مُساهمةموضوع: بفراكك اتيه // ثوره    الخميس نوفمبر 22, 2012 3:25 pm


((3) ((لسان حال العقيله مع الحسين عليهما السلام))
شلون ما أحسبها بفراكه أتيه **بعد ما أكدر أشوفه ولاأجيـه
بالدمع يوميــــه أسلِّم
وأني بجروحي ألملِم
**----------------**
جانت عيونه صباحي ألبِي أشوف
صرت يوميه بخيالــي يَمَّه أطوف
عفته جثَّـه مسلَّبه بأرض الطفوف
جرح يشكـي الجرح آلآم السيوف
وصار حال الظيم حالي** بدور فوك الثره كبالــي
عالصبر كلبـــــــي أعلِّم**وأني بجروحي ألملِم
**----------------**
سال بالحومــــه الدمه فيض النهر
أنهدم حيلـــــــي ونحنه منّي الظهر
كربلــــــــــه راوتني لوعات الأمَر
وذاب جبدي ويَّه دمعــي من القهر
حسين من شـــابك الغبره **داست الخيل أعله صدره
كامت بصدره تهشِّم**وأني بجروحي ألملِم
**----------------**
ياشمس هم ألج رغبــه بالطلوع
طولي ياأيام ليلـــــــــي بالدموع
الغاب عنِّـــــي ماأله نيَّة رجوع
ينوح كلبي وتبجي ويَّاه الدموع
تذوب روحي من ألمها **خيمكه حركـــوا خيمها
عله أطفالي كمت أخيِّم**وأني بجروحــي ألملِم
****************
بالدهرلوعشت يـــــــوم من الفرح
عله راســـي أيدور بالهم لو صبح
ناسي بأيامه الكلبــي أشكد جرح
أخذ جف عازتــــــي والروحي ذبح
بعد ظيم الغاضريه **منَّه أخذونــي سبيَّه
دنيـــــه بهمومه تغيِّم**وأني بجروحي ألملِم
**----------------**
عالجروح أمشينه مو فــوك الهزل
وصلنه لأرض الذلَّـــــه والآمر نذل
هذا من أمِّتـــــــك ياجدّي الوصل
من حقدهـــم ماخلص نحر الطفل
ظامـــي روّاه السهم **رضيع من أمَّه أنفطم
والأمر لله نســــــــلَّم**وأني بجروحي ألملِم
**---------------**
ابوذيّه
******
يامبغض أنشدك نحره منحـــاز
دنيــــه وآخره بمحبته منحـــاز
شلون تريدنـي لحسين منحاز
فدايه أرواحنه لبن الزجيه
*******************
الدمع الغير ابــو السجاد لاله
خضيب أعله الثره والوجه لاله
ثلاث ليالي ظــــل مذبوح لاله
اليجي ويدفن الجثَّه بهل المسيَّه
********************************
((4) ثورة
**--------------------**
ثورة / بيها يضحّـــــــي بمهجتهه / ثورة
ثورة / للدين ينصر غايتـــــــــــه / ثورة
بروحه وبنينه جـــــاد
بالدم يخط أمجــــــــاد
******************
يعرف بيــوم المنيِــّـــه ** من كصــدها وعاني ألها
بعالـــم الذر ثبت عهده ** حسين وحده هوَّ أهلهـــــا
رفع راية فخـــــر بيده ** بعنفوانـــــــه ماخذلهـــــا
حيا الناس بكل وجوده ** والشـــــرائع رد أملهــــا
نوره / بكلوبنه باقــــــــــي يشع / نوره
نوره / الأيامنــــــــه سيف ودرع / نوره
يتجدد وينعــــــــــــــاد**بالدم يخط أمجــــــــاد
******************
الجسد قربان دامــــي ** أنقبـــــل منَّه وتضحياته
بكربله كل المعانــــي ** بيهــــا ذابت روحه ذاته
موقف شموخ وبطوله ** صوَّرالنّــــه كـل صفاتهَّ
أطّه أروع مثل واضح ** بروحه عشنه وبحياتــــه
زهوَه / للعالـــي بأعلآها القمم / زهوَه
زهوَه / ضوَّه علـــى كل الامم / زهوَه
للوفـــــــــــه دك أوتاد*بالدم يخط أمجــــــــاد
**************
جمع بالطف المبادىء ** من بداهــــه بكل عزيمه
قدَّم أصحابه وورجاله ** الكل ربحهه بلا هزيمه
أنتصر دمَّه عله ذلهم ** ظل فجـرهه الحب يديمه
جورها الدنيه وظلمها ** صِوَربيهــه للجــــريمه
قَدرَه / بيها المعانـــــي جسِّدت / قدره
قَدرَه / منها الليالـــــــي نوّرت / قدره
أتحقق الميعـــــــــــاد**بالدم يخط أمجـــــــاد
****************
كمر ونجوم الليالــــــــــي** غيِّبيتهـــــه الغاضـريه
حسين شمس الكــون نوره** فجره يعمي الناصـــبيِّه
الظـــــلآم جنوده خسرت ** بده نصـــره أبن الزجيَّه
ســجّل التــــــاريخ مجده** مروَّه غِيره ونفس أبيَّــه
فِدوَه / الاعمار كلها تروح أله / فدوه
فِدوَه / زوار دربج كربلـــــــه / فدوه
ياكعبة العُبّــــــــــــــاد**بالدم يخط أمجــــــــاد
******************
درب واضــــــــــح للموَدّه **بدمه يسري وحبّه واجب
صرنه نتنفّس أنفاســـــــــه **صارألنـــــه آغله الحبايب
بغيضكم موتوا ووبغضكم **وحقــد اعمه يالنواصــــب
بكل يقينــــــــي من أموتن **يمي يحضـر وأله ذاهـــب
سوره / أتفجَّر وأنــــذر وطب / سوره
سوره / قلعه أله صـــار الكلب/ سوره
هذا الفخــــــــر ينراد**بالدم يخط أمجــــــــاد


ابوذيه
******
ثورة مجد كلبه الحُـــــــــر فَضَلها
ارضه وسمه الغاياتــــــــه فّضَلها
عله كل الناس رحمه وعَم فَضِلها
حِيَه دين الرساله الاحمديه


الرجوع الى أعلى الصفحة اذهب الى الأسفل
نور فاطمة

avatar

عدد المساهمات : 259
تاريخ التسجيل : 15/05/2012
العمر : 26
الموقع : nooralhuda.realmsn.com العراق حبيبي

مُساهمةموضوع: رد: بفراكك اتيه // ثوره    الجمعة نوفمبر 23, 2012 5:23 pm

عاشت الانامل والله قصائد كتيييير منيحة ممكن تكتب لي قصائد حماسية وسريعة وترسلها على ايميلي الخاص وانشاء الله كلنا خدام للحسين
الرجوع الى أعلى الصفحة اذهب الى الأسفل
http://nooralhuda.realmsn.com
الحجار

avatar

عدد المساهمات : 98
تاريخ التسجيل : 22/11/2012
العمر : 57
الموقع : النجف-الكوفه المقدسة

مُساهمةموضوع: رد: بفراكك اتيه // ثوره    السبت نوفمبر 24, 2012 6:21 am

بسم الله الرحمن الرحيم
شرفني مروركم الكريم
هنانه جنَّــــــة الحسين
جنَّـــــة البرزخ حسين
جنـة المحشـــر حسين
أنموت وحيتنه محبته
خدّام صحنه وكبّتـــه
الخادم
***************
اخي العزيز ارسل لي الاميل الخاص بكم // الياهو // حتى أظيفكم عندي وأراسلك
مع فائق أحترامي وتقديري
الرجوع الى أعلى الصفحة اذهب الى الأسفل
 
بفراكك اتيه // ثوره
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سيد محمد الصافي :: سيد محمد الصافي :: عاشوراء-
انتقل الى: