سيد محمد الصافي
السلام عليكم ورحمه الله وبركاته
اهلا ومرحبا بك ايها الزائر الكريم
انت الان في موقع
سماحه الخطيب الحسيني السيد محمد الصافي
نتمنى ان تقضوا معنا اسعد الاوقات
نرجوا ان لا تبخل علينا بنضمامك معنا
وتكون احد الاعظا المتميزين

سيد محمد الصافي

موقع سماحه السيد محمد الصافي  
الرئيسيةاليوميةمكتبة الصورس .و .جبحـثالأعضاءالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
باسم زينب
المواضيع الأخيرة
» يبويه مَرعليَّه
الإثنين يناير 05, 2015 1:54 pm من طرف الحجار

» مولود للرسول الاعظم صلى الله عليه وءآله((لولاه))
الأحد يناير 04, 2015 3:46 pm من طرف الحجار

» ألمن هل الورد والياس
الأحد ديسمبر 28, 2014 11:23 pm من طرف الحجار

» ليالي شهر الاحزان /7
الثلاثاء أكتوبر 14, 2014 1:22 pm من طرف الحجار

» علــــــــــــــــــــــــــــــــــــــــي
الثلاثاء أكتوبر 14, 2014 1:08 am من طرف الحجار

» جواب الموالي للنواصب
الإثنين أكتوبر 13, 2014 1:23 am من طرف الحجار

» علـــــــي الجوهـــــــــر
الأحد أكتوبر 12, 2014 2:38 am من طرف الحجار

» تاج الوصايه قصيده كعده لعيد الغديرالاغر
السبت أكتوبر 11, 2014 10:07 pm من طرف الحجار

» سيد محمد الصافي مغرورين
الثلاثاء أغسطس 26, 2014 5:33 pm من طرف عباس عبد الجبار

التبادل الاعلاني

انشاء منتدى مجاني



دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 ديوان ياحبيبي ياحسين// خالد محمد مهدي الحجار5/6

اذهب الى الأسفل 
كاتب الموضوعرسالة
الحجار

avatar

عدد المساهمات : 98
تاريخ التسجيل : 22/11/2012
العمر : 58
الموقع : النجف-الكوفه المقدسة

مُساهمةموضوع: ديوان ياحبيبي ياحسين// خالد محمد مهدي الحجار5/6   الجمعة نوفمبر 23, 2012 7:22 am


((5)) ))كعده ((مايكفي الدمع)) لسان حال العقيله عليها السلام))
*------------------------*
مايكفي الدمع من عيني ظل جاري
النبي يعقوب مايحمل مثل نـــــاري
نجوم الليل دمعاتـي
الحمام ينوح بآهاتي
***************
يصعب الشوف عله عيني ريت بعد حسين تعمــه
جان ظَل جفِّه سمايــــــــه وأستمد من فجره همِّه
صاح ديــــــن الله حسيناه أنتخـــــــــه وحياه دمَّه
بدماه لعهوده وفـــــه
ثورة عقيده وعاطفه
والله بجلآلــه أنصفه الكربله من كصد عزمه
الشفه صار بتربته مقصد أسراري
ياجف يدك بابـــــه صار خطّاري
بعتابه أحط عازاتي
الحمام ينوح بآهاتي
***************
كلبــــي ون من المصيبه والدهـــرأيامــــــــه جارن
بمهجتي نوحي من ألمهِن بوسط كلبي وكلبي صارن
والمصايب والدواهــــــي بكربلـــه عله حسين دارن
والسمه عليَّـــــه مظلمه
وتسيل دمعاتــــــي دمه
ولضعونه لاجف الحِمه باليســـر ودروبـــه سارن
غطّتني لهموم بليلي ونهاري
أمسّي وأصبح وعيناه تذكاري
يعيد الصدى ونّاتي
الحمام ينوح بآهاتي
***********
أسمَعَه أيحشــم صحبته وينكــــــــــم يهل الحميَّه
صاح وينك يبني الاكبر جثّته كبالــــــــــــه رميَّه
وقاســــــــم الحنتّه دمَّه وزفته سيوف المنيّــــــه
وعباس جفّينـــه فَده
بعامود صابوه العده
عالنهرجثــــَّه أمدده وجوده ظل يبجي عله مايه
بعد ياجف يخويــــــه ياخذ بثاري**بعد ياجف أسلمه الرايه والساري
بدت بعدك معاناتي
الحمام ينوح بآهاتي
***************
شأرد أجازي ابو اليمه يافضــــــل منَّه أشـــكره
غاب عنّي سر وجوده والكلب بعــــده شيصبره
بين ليلــــه ويوم أفكده ريت روحي عله الغبره
والخيل صدري هشِّمت
وخيــامي شبت ونطفت
وعيالـــــي كلها أتيتمت طال ليلــي أمتاني فجره
سد أوكف أله عن شمس الظهاري **آخـرنـورأخـذ طف كربلــه بداري
بعد ما تهده حسراتي
الحمام ينوح بآهاتي
***************
عله تراب الطف كتبها كلمه تحوي أجمل معاني
حروفها من دم نقطهــا حققت كل الامانــــــــــي
صار للكعبـــه الضحيَّه وصاير اسماعيل ثانــــي
كلمة وفه ألنــــــــه كتب
روحه الأجل دينه وهب
أبن الذهب صار العجب بتضحياتي والتفانــــــــي
حفظ دين الكرامه وكعبة البار ي **صيحت ثار ويَّه المهدي أنصاري
عاش بروحي وبذاتي
الحمام ينوح بآهاتـــي

نداء للموالي ((من مولاتي زينب عليها السلام))
**----------------------------------------------------------**
هل شهر الحزن بآلآمه / أيجدد لمصاب
كل يوم بدهر من أيّامه / دمعـي سجّاب
عهد مكتوب بالكلب وحفظناه
أبد والله ماننسه حسيناه
********
طول عمري بحزني عايش والله ماأنسه المصيبه
صِوَر لمخيَّم أبّالـــــــــــــي والحقد نـــاره ولهيبه
للجثث خلاّها نومـــــــــــه سـابحه بدمها وسليبه
وأطفال شـــرَّدها الفزع
عطشانه والمــاي أنمنع
ونسوان خاواها الجزع شوصف الحاله عجيبه
موقف مر أصعب من موقف / والكـــل مذبوح
أمجـــاد وغـايــات أتشـــرِّف / بالطف صروح
ثبَّت دِينَه بتضحيته ودماه**أبد والله ماننسه حسيناه
********
سجدت الاجساد كلها الكل قرابيــــــــن المودَّه
حسين ألنه صار قبله بكلشي ضحّه لجل عهده
شابك تراب الوطيَّــه وطيَّب التربـــــان خــدَّه
خلآنه بسمه نفتخـــــــر
كل كطره من دمّه فجر
من بعد كـل شدَّه اليسر دمَّـــــه ذل كلمن يضدَّه
للعالم شامخ عنوانـــــــــه / وهج الانوار
للظالم هدَّم أركانـــــــــــه/ قبلــــــة ثوّار
بجف عباس عالي للسمه لواه**أبد والله ماننسه حسيناه
دمعتي ولوعة عذابـــــــــي تبقه صرخــة سيف قادر
حسين من صاح أكصدوني يريد زود المحب حاضر
وزينب الذلّت الطاغــــــــي تصيحنه هل من مُناصر
حكم السقيفه ألنه رجـع
وأهل البدع أهل الطمع
السفياني أمره لو وقـع يهدم القَبر ويكابـــــــــر
حائر لحسين أيحاميها / ورايــة عباس
بالروح ومهجه نفديهــا / نوكـف حرّاس
لآخر نفس بينه أنلبي دعواه**أبد والله ماننسه حسيناه
********
السيف والكلمه خَطَرها أشـــــد من وقعة الدمعه
الباطل أتسكته المواقف وصوتنه غصبـاً يسمعه
يمين ابو فاضل ويانــه الناصبـــي جفَّه نكطعه
بسم الله نشحذها الهمم
صرح المباديء والقيم
نوصله لو بأعله القمم ونبني للأمجاد قلعـــــه
أعلنها ثورة أيمانـــــك / بوجه الظلاّم
علَّيها صرخة احزانـــك / داوي الآلآم
العمر بأحزانه عشنه الدمع والآه**ابد والله ماننسه حسيناه
********
اليوم تتجند عناصـــــر والحقد والشــــر عماها
تريد شيعة علي تركع وبيد ابو صــــالح لواهـــا
تفجَّر وتسلب وتذبـــح العكربه عدنـــــــه دواها
وين الموالــي وكلمته
يدرك زمانه وغايتـــــه
لحسين رافــع هامته والجدم تثبت خطاهــــــا
من الشام الحرَّه أتنادينه / حب عابس وين
وين اهل الغيره أتانينـه / ونـــــوفّي الدين
دنيَه وآخره ماتسوه لولآه**أبد والله ماننسه حسيناه

الرجوع الى أعلى الصفحة اذهب الى الأسفل
نور فاطمة

avatar

عدد المساهمات : 259
تاريخ التسجيل : 15/05/2012
العمر : 27
الموقع : nooralhuda.forumotion.com العراق حبيبي

مُساهمةموضوع: رد: ديوان ياحبيبي ياحسين// خالد محمد مهدي الحجار5/6   الجمعة نوفمبر 23, 2012 5:08 pm

مشكوووورين اخي خالد عندي رجاء عندك فممكن تتقبل رجائي اني احد الرواديد الحسينيين واتمنى ان تكتبلي قصائد موالية حسينية وترسلها لي على ايميلي الخاص مع جزيل الشكر
الرجوع الى أعلى الصفحة اذهب الى الأسفل
http://nooralhuda.forumotion.com
الحجار

avatar

عدد المساهمات : 98
تاريخ التسجيل : 22/11/2012
العمر : 58
الموقع : النجف-الكوفه المقدسة

مُساهمةموضوع: رد: ديوان ياحبيبي ياحسين// خالد محمد مهدي الحجار5/6   السبت نوفمبر 24, 2012 6:31 am

بسم الله الرحمن الرحيم
الله يوفكم للخدمه الحسينيه بحق فاطمة الزهراء
وأنا ممنون أرسل العنوان // الياهو// حتى أضيفكم وأراسلكم
شكرا // ممنون
هنانه جنَّــــــة الحسين
جنَّـــــة البرزخ حسين
جنـة المحشـــر حسين
أنموت وحيتنه محبته
خدّام صحنه وكبّتـــه
الخادم
الرجوع الى أعلى الصفحة اذهب الى الأسفل
نور فاطمة

avatar

عدد المساهمات : 259
تاريخ التسجيل : 15/05/2012
العمر : 27
الموقع : nooralhuda.forumotion.com العراق حبيبي

مُساهمةموضوع: رد: ديوان ياحبيبي ياحسين// خالد محمد مهدي الحجار5/6   الجمعة نوفمبر 30, 2012 11:06 pm

الايميل هو elemoh80@yahoo.com
الرجوع الى أعلى الصفحة اذهب الى الأسفل
http://nooralhuda.forumotion.com
 
ديوان ياحبيبي ياحسين// خالد محمد مهدي الحجار5/6
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سيد محمد الصافي :: سيد محمد الصافي :: عاشوراء-
انتقل الى: