خالد محمد مهدي الحجار // مجلس الليله الاخيره

لسان حال العقيله عليها السلام ((اليوم التاسع))
************
هل الليله آخر ليليه تجمعنه ** كربله باجر بيك تفجعنه
هل الليله يامظلوم
وياك آخـــــر يوم
****************
ويّاك آخر ليليه أظل ** يحرموني باجر شوفتك
مطلوب من دمّك وفه ** تنهض بهايه ثورتـــــك
دمك يسل عالترب ** ودم ربعك ودم عيلتـــك
باجر علينـــه يهل فجر
الدرب الشهاده والنصر
وعروش أميّه تندحـــر** للعالي تعله رايتك
من صعب لصعب تبقه هالساعات
تتشابك الاحـــــــــــــزان بالآهات
تلتم علينه هموم**ويّاك آخر يوم
****************
يبن أمي لوعنّي رحت ** ياخوي أظلّن بالامَــــر
بكل خيمه أنظر الحزن ** وعيون خاواهــا السهر
وهموم من كل هم جبل ** وكلوب منتظره الخطر
تصدون جم سهم ورمح
ياهو ألي أول ينجـــــرح
ياهو اليموت وينذبـــــح** مايبقه ساتر للنظر
بهل اليوم الله يعينها عيالك
من كربلـــه والراح يجرالك
لاعين شافت نوم **وياك آخر يوم
*************
هل يوم مامثله يمر ** للعين مايغمض جفــن
رمله تكلّـــــه حنّتك ** جسّام بالدم تنعجـــــن
وتعاين رباب المهد ** ورده تموت بلاغصن
هاي المصيبه مصيبتي
خيمت حزنهن خيمتــي
يدرن شبيّه وشـــــدتي** والكلب بيمن ممتحن
ليلة وداعك تصعب علينه
مانشفت الدمعات والينـــه
باجر تجينه الكوم**وياك آخر يوم
**************
عباس حارس بللخيــــم ** نستظل كلنه برايته
للأمر حاضــر والطلب ** ماكعد لحظه بخيمته
أيمر على ركب الضعن ** كلمن يلبّـــي حاجته
لو راح شيال العلـــــم
هم يرد فرحــــه للخيم
ويجيب حقنه من العدم** لو تهوّ بالطف جثّته
لو غبتوا عنَّه شلون راح نصير
ماكلتوا زينب من بعدنه تحــــير
لاأعتب ولالوم **وياك آخر يوم
**************
بعيني العمه ولاأنظره ** مصرع الاكبـر عالثره
ولاشوف طفلك ينذبح ** والسهم خوي بمنحره
يحسين عندي هالخبر ** الزهره يومك تحضره
النارتلهب تستعتر
والحرم تبقه بلاستر
من ينسج حيوطه الفجر ** أستعد وبقه أمصبَّره
ياليل طوِّل بينه ســــاعاتك
يافرح أطفي اليوم شمعاتك
أمقدَّر ومقسوم **وياك آخر يوم
************************************************** **

(( بارينه يشهد))
************************
بارينه يشهد **وجدّك محمد
بدمك وفيته ** دينّك حييته
****************
كل نيّة عمل ينصاغ موقفهــا **للخير أبجهد واصرار ننصفهـــا
وسع نفسك عظيمه والله كلّفها**للأن صبرك جبل وجباله يعرفها
للتاريخ صفحاته تشّرفهــــــــا**رايت نور صارت كربله ݘفهـــا
مهر المنيّـــه**بالغاضريه
سرجه عِليته** دينك حيَيته
*****************
دمعات العيـــون أتعلمّن عالمر** وفرحة عيد لو دمعت افراح أتمر
طبع الطاهره طيته ودرّه الحر**يعوّد نفسه تجـــــرع الصبروالضٌر
علينه من ثداي الدنيّه ظيم أيدر**يلاويها المصايب منّـــــه وين أتفر
موالي عله حبّك**ثابت بدربك
بطبعه وسجيته **دينك حييته
***********************
شجرة طيّبه وجذورها بحماك **والاوراق عالاثمار كلها ويــــــــــــاك
تسري محبّتك بدمانه ماننساك **العمر لجلك نجّد ونسعي نرجه رضاك
دخيلت ياحسين اكلوبنه تنخاك**بدَينه تاخذ البــر الامل يمنـــــــــــــــاك
يل تشفعلنه** مودّتك جنّه
فضلك بديته** دينك حييته
*********************
خبيثه شجرة الناصبه من سفيــان **الولاء أتقدّمه للكرسي والشيطان
تشوفه أنسان لاكن موطبع أنسان **وره لذّاته يلهث صاحبه البهتــان
والخسران دينه دومه ظل خسران**مايكدر يتوب العاند الايمــــــــان
وحنه هتدينه** بيك قتدينه
والحق بديته ** دينك حييته
***************************
لومه حروف أسمك دمنه يتجمّد **وحبَّك بينه لحظه بلحظــــه يتجدد
عفناه الزمان وبطِّلينَه العَــــــــــد** شنهو العله مايردونه نتوّحـــــــد
لأن الدمعه ألها الزهــــره تتعهّد ** ولأن الناربگطره من الدمع تبرد
الناصبي ينذل ** بكل درك أسفل
طبع تربيتــــه ** دينك حييته



(( الوداع الاخير))
******************
لوداع ** وياكم هل الليله
***************
هاي آخر ليله وباݘر تودعينــــي**تناديني خويه وحدّي تخليني
گلبي بسهم ينصاب موتدرينــــي **تگولين لاتبعد ترا تاذينـــــي
**********
أيصبّح ضعنًه وانتي بي مهظومه **والعمر يختي ينگظي مالمومه
وحّدي بلا ناصر اظل بالحومـــه **والشمر يذبحني وخوتي نومه
***************
موبيدي عنّݘ لو غبت بالحــــــرّه **لمن أطيح أمخضّب عله الغبره
مثل الدمه منّݘ تصب العبـــــره **وآنه اعرف بگلبݘ تلوّعه الحسره
***************
ابلياي لوصرتي وصير ابليّاݘ**وعليݘ تزداد الشدد من بلـــــــواݘ
شلون روحي بالعزيزه تنساݘ**راسي يسير أوي الضعن ماينساݘ
**************
اتشوفيني بالحومه أديرن بالعين **ومن اوگع اعله الغبره ندبي يحسين
أوندبي عضيدي ابو الفضل والݘفين **يبتلي گلبݘ خوي أبحرگة نارين
*********
عيني عليݘ وگلبي مثلݘ ملݘوم ** يازينب مايبقه وليان ابهل اليوم
حرمه وحيده بصبرݘ بين الگوم **دار الحزن والحزن يبرالݘ دوم
**********
موشّح
******
وين ابو صالح وݘفه لو ظهر **خيره عالدنيه مثل ماي المطر
كلنّه فدوه انروح لمسه المنتظر**بهاي دنيانه وبعدٍ تاليــــــــــه
***********
سلسلة انـــــوار حاطت بالفلك **بآية التطهير نازل الملك
للنبي أوحاله بشــــّــــــر بهلك **من اجلكم دنيته باريهـــا