خالد محمد مهدي الحجار// ديوان ياحبيبي ياحسين ((22+23))

(22) (أ) ((وين الرايه))
**************

وين الر ايه وين الرايه ** زينب تندب وين الرايه
وين العباس وجفينــــه ** والرايه أترفرف بيمينه
زينب تندب وين الرايه
*********************
من يوم العاشر هل صبحه ** وعيوني اتعاين لخيامي
أترقب كــــل موقف مرني ** وبكلبي ألتمت آلآمـــــي
ضعني بحيره وحالت دهشه**وبعيني أسودت أيامـــي
وجيوش الكفـــــــر الملعونه**بأحقاد اصطفت كدامـي
من يحميها من يحميها ** هاي ضعونه من يحميها
أيكعبنه زوده ويحمينه ** والرايــه أترفرف بيمينه
زينب تندب وين الرايه
******************
خدري عن حالك ناشدنــي ** ماأمّن بالدهـــــــــــر أيخافه
نتحامه بكـــــــل ذرّة طيبه ** عباس أعرف طبعه أنصافه
من حيدر ماخـذها دروسه ** ومتجمل من كــــل أوصافه
تراعيـــك جفوفه وترعاني ** من فضل البـــاري وألطافه
ماجافيهه ماجافيهه ** ضعن الخدر ماجافيهه
يرجع يسترنه ويروينه ** والرايه أترفرف بيمينه
زينب تندب وين الرايه
******************
جيش مسلح غيــره ونخوه**مملـــي بالايمــان صدوره
وجيش بلارحمــه ولا ذمه**يرسم يوم الطف اصدوره
ماحاربناهــــــــــم وبدينـه**سعد البادينــــــــه بغروره
ارسل سهمة واعلن حربه**وبانت اضغانه المستوره
من باديهه من باديهه ** بأرض الحومه من باديهه
اتحزم بتاره حادينه ** والرايه أترفرف بيمينه
زينب تندب وين الرايه
*****************************
من هم والفرحه بعيونه **عباس الهل الفرحه اتحضر
عن شــــماله وعنايمينه **من صولاته اتفر ماتكـــــدر
عباس الطب بيده الرايه**لو كرار برايــــــــــــة خيبر
تتلابد من ضــربة سيفه**يمينه ماثنه لو كبَّــــــــــــــر
رد ماضيهه ردماضيهه ** بالطف خيبر رد ماضيهه
حاضرنه زوده وماضينه ** والرايـــــه أترفرف بيمينه
زينب تندب وين الرايه
******************
رد بالماي اتعنه اخيامــــي**والخطوه بخطـوه يســـــابكهه
حاضن جوده بين ارموشه**بالماي أحلامـــــــه ايلاحكهه
كطعو جف منه وضل عزمه**وكطعو جف ثاني ايشابكهه
وبعامود الراس اتهشــــــــــم**والراس القمـــــــه ايعانكهه
هم ساقيهه هم ساقيهه ** دمع اعطاشه هم ساقيهه
مارد معذور ايرد بينه ** والرايه أترفرف بيمينه
زينب تندب وين الرايه
*********************************
((23)) (( احقاد السقيفه))
**----------------------**
أجت عالدار احقاد السقيفه ** جابت نار بجفوف الخليفه
بعد بالاول وثاني ** بيهم يارجه أنتاني
*---------------------------------------*
المنافق من تأمنــــــــه ** طبعه خوّان الأمانــه
اذا واعد وعـــد أخلف ** عُمره ماوفّه بزمانــه
والجذب عنده ســـجيّه ** وشيمته غدر وخيانه
بطن السقيفه جابتــــــــه
بصدر الضغينه رضعته
للغدر يصلح شافتـــــــه ** أتسلّط بكرسي المهانه
نسه أسم النبي ودينه وشرعه ** ألأصله رجع من حارب البضعه
تنادي هاي أحزاني** بيهم يارجه أنتاني
*---------------------------------------*
افته ألأول بدعه صارت ** خنجر بظهــــــــر النبوَّه
أخذ منها فــــــدك حقده ** بكلب خالي من المروَّه
شلون منّه هبل يوكـــع ** والمناة كبالـــــــه تهوه
الراد السياسه مو شرع
بالله أســـــــلك هم ورع
وبتدت تضحكله الربــع ** واللزجيه الدمع سلوه
على أم الحسن يحسب الدمعات ** بدمعهه والحزن فرحت الشمّات
حرامي الشيخ علماني ** بيهم يارجه أنتاني
************************************
للحقيقه وجـــه واحــــد ** مثل عيـــن الشمس وضحه
أشتروا أقــــــــلام كتبت ** من اليريد الذلَّــــــــه ربحه
الزهره بالأحزان خطَّت ** رفض للباطــــــــل تفضحه
لمن وصل باب الشرف
أم الحسن بمهه عرف
الفرح من عدهه خطف ** يلَّه خل نفتح الصفحه
اليوم نريد نعرفهه الحقيقه ** نعرف عدو طه من صديقه
اليئآذي البضعه آذّاني** بيهم يارجه أنتاني
**---------------------------------**
هيج جازوا نبي الأمَّه ** هاي حاله من ألف حاله
خانوا بكــــــل الوَصايه ** غيِّروا الديــــــن وجماله
عذِّبـــوا بضعة الهادي ** أم أبيها والرســـــــــــاله
زمرة بغض ألهــا لفت
بالحَمِل كامت مادرت
والغدر بســماره نبت ** بالضلع أكبر دَلاله
موشيمة عرب عدهم حميَّه ** حقدهم الكسر ضلع الزجيه
بألمهه ظلَّت أتعاني ** بيهم يارجه أنتاني
*---------------------------------------*
أرعن أو ملَّكته سلطه ** ياكـل اللحمه وعظمهه
بنار حقده الباب وجهه ** أو فاطمه بجفّه لطمهه
بعــــد ماصوَّب ضلعهه ** بعصرت الباب وهظمهه
جانوا يسمّونه الرعــن
ماعنده حكمه ولافطن
لمَّن نطق كلمـــة وأن ** أتأكد أو سبب أمهه
عمر بحقاده خرَّب ماعمرها ** كسر ضلع الرساله بنص صدره
الحزن والدمع عنواني ** بيهم يارجه أنتاني
*---------------------------------------*
المصيبه
ظلَّمت الدنيه علينـــــــه ** يوم وافتــــــــــه المنيّه
من الضلع مالومه راحت ** الليله من عدنه الزجيه
والحسن وحسين يمهه **وزينب أو راعي الحميه
وسط الكلب نــار وقهر
اللهُ أكبــــــــــــــر يادهر
يم الحسن طـــــال السفر
والجـــرح بالكلب أستقر** بهل المسيَّه وكل مسيَّه
********************************
خدمة المنبر مبرئين الذمَّ وعدم ادخال الموسيقى المحرمَّه