((حبيبي)) مولو لصاحب الزمان عجَّل الله فرجهالشريف

(( حبيبيــــــــــــــي))
*----------------*
حبيبي من اشوفك // أحس روحي تردلي
غايب عنّي وينك // مشتاك الحنينـــــــك
حبيبـــــــــــــي
************
يدّور عليك كلبي بيـــــن لكلوب
يشوفك انته بيها أعــــزمحبوب
أمــان الروح بمحبتــــك أتذوب
الموالي شما يقدم يحس مطلوب
علمنه توقعه أيدك // خل يفرح التايب
وكلّه الكلبي لوجيت // خل يهجع ونينك
حبيبـــــــــــــي
************
نتبادل تهاني فرح ميـــــــلاد
واليوم بسنه بليّـاك ينعـــــــاد
محله اللمه هاي ومحله لوداد
هل يالغالي ألنــه وحقق مراد
ما تنساني أتانيـــك // يامالك ضميري
ادري الوفه طبعك // أدعي الله يعينك
حبيبـــــــــــــي
************
عله محبتك لامونـــي العواذل
ماتقتنع بالرد من تسائـــــــــل
مايبقه ورد بغصانه ذابــــــل
وليش الكلب وحدك الك مايـل
ميعرفون معناتـــــه // يعرفون السقيفه
نشوف انوارها الجنَّه // من ننظر بعينك
حبيبيــــــــــــي
*****************
سفينة نور والمرسات جنَّه
بهجت نورك أتحقق أملنــــه
نصعد بيها احباك الك كلنــه
برمشة عين يحضرله التمنَّه
نطب نزور لحسين // وأبو الغيره نزوره
خطّار امك الزهره // والرايــــــه بيمينك
حبيبـــــــــــــي
************
نتجاور أبهجه وفرح وســـرور
عله شجرة العتره الورك منثور
ويوميّه نسيِّرعلـــــــــه كل نور
ملتفه علينــــــــه الملك والحور
ورب الكعبه فزنه // شنتمنه بعد أكثر
الباري مَن علينـه // ونعيش بسنينك
حبيبـــــــــــــي