خالد محمد مهدي الحجار// ديوان ياحبيبي ياحسين (24+25)

((24)) ((جيب عيون))
****************
جيب عيون تتحمل دمع عيني
جيب كلوب تتحمله لونينـــــي
من مصيبه لمصيبه **منّي الراح شيجيبه
*******************
الفرح لومرَّه مر بيَّه مثل الطيف لو مرنـــــي
يظل يحسبها هل اللحظه عليَّه وظل يمرمرني
وأخذ من دنيتي افراحي بحسره وآه حيّرنـــي
ماريدك أكلّه روح وظل حزني يصبّرنـــــــــي
آنه أتعوَّدت من زغري عالآلآم
أتوشّح همومي ووالدمع لونـــام
وصبّح طايحه بنيبه ****منّي الراح شيجيبه
*********************
أفتّح عيني ألاكي الهم ناطرني عله باب الدار
الظيم مرافك أيامي يفرح بيَّه اذا أحتـــــــــــار
الآم السنين تصير سهام ودمه ولهبت نــــــار
أشوفهن كل هلي بيها ماجن هلي جن خطّــار
حلم مثل السراب يصير كدَّامي
ودوِّر هلي وين بين أحلامـــي
حالي حال الغريبه **منّي الراح شيجيبه
*****************
زماني واعد الاحزان وسط كلبـــــــي يخلّيها
دعه أيامي بسهامه ذبح كلشــــــي حلو بيها
جرح مايشفه تبدي جروح مايرضـه يداويها
ودموعي تصب جمرات والنـــــــار شطفّيها
دمعي مايداوي جروح ضلع امي
برمشة عين راح النور من يمّي
أظلَّن عايشه بريبه **منّي الراح شيجيبه
******************
لاجت روحي لمَّن راح بطلعته حسبت الف حساب
جرح ضلع أمي صب دمعه خذتها آلامي للمحراب
كبلها جنت أتانــــــــــــي يعود ومناطره بسد الباب
رجع وظنوني لاكنّه بصرخة دمعتـــــــي عله الباب
جفوف وسادنه وضلوعي غطنَّه
الموت بفركته كل لحظـــه أتمنَّه
جرحي ماأله طيبه **منّي الراح شيجيبه
*****************
شكولن عن جبد مسموم راح ألّي حفظ دمنه
أعاين عالطشت ونحب ريت أحنه التسممنه
مصاب الحسن دولبنـــــــي وتشتتنه شيلمنه
ليـــــل بلا نهـــــــــار أيمر بويه لحَّك وأمنه
الشمس والكمر أنظر والنجم يهوه
طـــول الليل نوحي الدمعتي سلوه
يحن كلبي ونحيبه **منّي الراح شيجيبه
******************
خذاني دهري لرض الطف والايـام خذلتني
عيني فاركت شبّان بالدمعات حنّتنــــــــــي
خذت مني كمر هاشم جفوفه وعينه لعمتني
ودّعت الذبيح حسين يريت ويــــاه ذبحتني
مصيبة كربله ماخلَّت بحالي
ظلَّت عايشه بوجداني وبّالي
عجايب موع جيبه **منّي الراح شيجيبه
خدمة المنبر الحسيني مبرئين الذمَّه
***********************************
(25) ((آخر وداع))
***********
هذا اخر وداع ويلك
***************
باجر خويه راح انودِّع أيـــــامك
وتحمل يبو السجاد الامـــــــــــك
يبو اليمه يخويــه اتحقق احلامك ** من فوك الثره خويه تسيل ادماك
**********
أمنِّــــي الروح باجر مني هل صبحك
تشوف العين رسمك والكلب يضحك
يبـــــــوالسجاد كلهه مصممه الذبحك ** اموت اعله الوطيه يلولي وياك
**********
من غيرك حياتي يضع معناهه
يل جفك دوه والثانيـــه أرجاهه
الدنيه شلون لوجابتلــي بالواهه** هم تسمع ندايه بيهه من انخاك
**********
اصبح والمصيبه اتحيط بخيامـــــــي
واعوفك عالثـــــــــره مذبوح كدامي
خضيب اعله الوطيه مسلب وضامي** مماتي بموتك ومحياي من محياك
**********
سنين العمــر احسبهه أشِّفت بيهه
كمــــــــرايامي غايب عن لياليهه
الدهر بسهامه دومه الروح ماذيهه** وصوبني بسهم كلبك ونحر اضناك
*********