خدمة المنبر الحسيني مبرئين الذمَّه
(26) (( ألمن العزاء ))
**************
يامعزّي اليــــــوم ألمن العزاء**الي لو لحسين لو راعي اللواء
**********
يا اهــل ياليتنا كنــــــــــا معك
حشَّم بأخوانـــــــك ومن يتبعك
ترد لصلك دوم واعرف منبعك ** ورك شجره للثمر انت الغطاء
*********
حكـــــي لو اعتب وطالب بالعتب
بيكـــم انخه جون عابس او وهب
ضعني يهل الغيره بالطف انسلب ** اليـــــوم قبري حاوطوه الطلقاء
*********
بصرختـــــي لليوم اندب يا حسين
من يجي وياخذني ازور الاربعين
ادري بالعباس مكطوع الاديــــــن ** انتوا من بعد ابو فاضل كفـلاء
**********
خيامي حركوهه وعلى جتفي السياط
ويه جرح حسين شفيد الخيــــــــــاط
ابـــد ماينفهم حرف بـــلا نقــــــــاط ** وضح حروف الحقيقه بالدماء
***************
شلن ترضون اعله صوتي ودمعتي
شلون ترضون اعله كلبي ومهجتي
شلون ترضون اعله نوحي ولوعتي ** تجي اتسكتهن اليوم اللعنـــــاء
***********
أبيمينه لبوفاضـــــــــل اَّمنت
عهده ماخانه ولا عهدي خنت
ماشكيت الصـار بيه من غبت بالجفوف اعلن لبوا ليمه الوفاء
*********
اليوم كبري يواســي لكبور البقيــــع
اليوم رد مذبوح عبد الله الرضيــــع
اليوم صوت حسين من صوتي يضيع والمنافق دينه لطباعه غطاء
**********
اليوم انخه اهل الرجه واهل الضمير
صرخه من كبري بالحــــــر تستجير
ذيابه كل ساعه عله كبابـــــــي تغير والارض تبجي علينه والسماء
********************************
(27)) (( أعلك الروح))
**--------------**
شمعه شمعه // اعلك الروح بخيمتك
دمعه بدمعه // أعجــــــن ييُمه حنّتك
ظل الكلب حيران
يازينـــــة الشبّان
*--------------*
ألبسَك ثوب عرسك ** وزفّك بيدي هل اليوم
شِتضم بعد لايـــــام ** من دولاب لهمــــــوم
لمَّن غبت عنّــــــي ** عليَّه أتحــرم النـــــوم
الكلب مابين لضلوع ** بعد مايصحــه مالوم
فرحه فرحه // والحسن يحضر فرحتك
شوضحه شوضحه// الكمربــــدر بليلتك
ماحسَّبت حرمان**يا زينــــة الشبّان
*-------------*
أعايــــن بين الوجوه** من رحت وعفتنـي
ألف أحساب أحسّب ** وأحزاني تعتنـــــي
يكلبي شبيك كافــي ** وي روحي السبتني
وكلهم رايـــح أتعود** بسَّك يلمتنــــــــــــي
وينك وينك // ينشد يتاتـــــــي جيّتك
لنّــك لنّــك // ترجع بفرحة بُشرتك
وتخمّد النيران **يازينة الشبان
*-----------*
عينــي رسمت افراح ** تمُر بيَّه بخيالــــــي
فرحتهه الدمــــــع دم ** صبَّت الك تالــــــي
الهلهوله ألي نـــــوح ** وهم وغم صفالــــي
صواني العرس يبني ** كسر خاطرها حالي
تبجــي تبجي // بشموعها منتظرتك
تشجي تشجي // توكف عليها رادتك
ماهل فرحهه وبان **يازينــــــة الشبان
**------------**
اظل احــلم تردلــــــي ** يالنورك جفانـــــي
وأنتــــــه عايش وياي ** فرح عمر وزماني
ألــك أنصبهه لضلوع ** خيمه وبيها أتانــي
نجوم أو ورد والياس ** بيها أملي الصواني
كلبي كلبي // بالوّد يأطّر صورتك
حُبّي حُبّي // مرسـوم بسمه بشفّتك
حقّه يظل حلمان**يازينـــــة الشبّان
**-----------**
حــــال التفكد عزيز ** دمعها يشرح الحال
دمـع الكلب والعين ** دم اعله الوجن سال
جسم أيظل بلا روح ** خابت عدها الآمـال
وليل الحــزن جودر ** عليهه بظلمته طـال
الزفّه الزفّه // سيوف المنيَّه زفّتك
كلفـه كلفـه // للموت يبني صفّتك
مبروك ألك لجنان**يازينــــــة الشبان
" />
" />
" />
الإثنين يناير 05, 2015 1:54 pm من طرف الحجار
موضوع: خالد محمد مهدي الحجار// ديوان ياحبيبي ياحسين(26+27) 