علي والكعبه // ماي وطين

(2) ((علي والكعبه))
******///////////////////////************
النبي أبراهيم بأمر الله بنه الكعبه ** أجتَّه الناس من كل صوب من كل فج
بلد آمن وربه واسع الرحمــــــه **ضاع اللـــــــــــيل لونه والصبح وهَّج
بعد سنين حُره توسلت عالــــباب **ربّي استر عليــــــــــَّه وشدّتـي تفرِّج
جدار الكعبه كبل الباب شك روحه **منها النور لعنــــــــــان السمه توهَّج
تمر سنين بعد سنين جبرائــــــيل **من خيوط الشمس ثوب البشاره أنسج
ظهر أسلام آياته العدل والنــــور**لبو مُرَّه هبل قــــــــدَّم عريضه أحتج
توزَّرها الكرامـه المؤمن وأسلم ** ولبس ثوب النفاق الجان عقله أعوجَج
طه بحكمته ومن خُلقه فاض الخيل**بجفَّه الطاهره خيــــل العدل أسرج
كمال الدين بلَّغ من أتم الحـــــــق ** من بحر الضلاله أمتّه أخـــــــــرج
بأمر تكويني وبيوم الغدير أسفر ** بتاج من العرش حيدر وصي أتوَّج
هوَّ أول فدائي النصرة الاســلام ** ذيج الساعه لوما علـــي الكون أرتج
نذر روحه صَبر مايجزَع ويفزَع **يامه الظيم عن وجه النبــــــي فرَّج
اول طاهر وســــــــاجد أبيت الله ** مندري الكعبه حجت لو علي ألّي حج

---------------------------------------------








(3)) ((الفطره ))
****------------------------****
ماي وطين واحد شابگ الثاني صارت روح بيه نمعنه أنساني
شعور أحساس تدبير وقل ملزم مو صنع البشر هالقدره ربّاني
وبعض الطين عنده اختلفت الغايه عن درب الحقيقه يزل ويعاني
والطاهــــــر ضميره وطينة حرَّه حاشه ايكول رب الخلگ ينساني
الغايه موخلق مايحمل المعنــــه ولاصوَّرني بس للعبث ورماني
السبب طاعه وتراحم والمودّه يريد يالرايد الجنَّــــــــــه بعد شمتاني
بيبان وسفينه تشج بينــــــه بحور يوَّصينه النبي گصدوها بيبانــي
أول باب ݘفها نبع كل الخيــــــر حيدر ابو تراب بكوثره روانــي
بلساني وضميـــــــر أول الاول تحبه طينتي عايش بوجدانــــــي
أحس بالموت اذا ماألهج أبسمه شلّي بگلب ينسه وشلّي بالساني
اسمع هالخبر يالقاصي يالداني شيعي وحب علي مذهبي وعنواني
-----------------------------------------------------------