تاج الوصايه قصيده كعده لعيد الغديرالاغر

(( مبروك هل النور ))
بمناسبة عيد الغدير لامام علي عليه السلام
مبروك هل النور \\ من رب السمه
تاج الوصايــــــه \\ االحيدر صمّمه
عهد ألأصلاب بعالم الذر \\ واليَنَه حيدر
*****---------------------*****
بلَّغ الحجه بدلاله بالغديـــــر أعلن وصيته
والنبـــي مشكوربلَّغ الحيدره من الله هديتــه
مزنلة هارون لازم يعله شانه ويعله صيته
أول بترتيب المجد
أو فدائـــــي مستعد
بالخندق وبدر وأحد** دومه يمشي بصف منيته
دستور ألآهي \\ بالشرع وحُكُم
ميزانه عادل \\ مايعرف ظلــم
لكًلوب حقهه أتحبه أكثر \\ والينه حيدر
**--------------------**
بالحروب أتشوفه ثوره وبالشجاعـه وأقتداره
باب لعلوم المدينه ثابت بحكمــــــــــه وقراره
مايرد طالب الحاجه اليوصله ودك باب داره
صينته بس ملح وتمــــــر
دومه عله أيتامــــــــه يمر
من وجهه أخذ نوره الفجر **علي دومه حامي جاره
زاد اليتامه\\ من أيده عسـل
الدهر لوجار\\ بجفوفه سهل
وصاحب الشدَّه يمَّه يِستَر \\ والينه حيدر
**--------------**
القلم والفكر عاجز يدرك المعنه ويخطَّه
أله بالدنيـه المنازل أتنازلتله وهوَّه يرقه
فوق ادراك الخليقه آيــه آيــه علي حقَّه
البـاري حبَّه أوجبه
اعله المنازل مرتبه
والرجس عنَّه أذهبه ** وصار للبسمله نقطه
قرآن ناطــــــق \\ آياتــه دُرر
بصبر وعزيمه \\ للدنيه هجر
وتشهد الجفَّه باب خيبر \\ والينه حيدر
**------------------**
الغدير وعيده مبدأ واضح الغايــــه بسماتـــه
تاج قدسي نوره واضح حمل معناته وصفاته
خط أله من النبوَّه أمتداد العتره ذاتـــــــــــــه
اشرف مراتب يستحق
متعاهد ويــــاه الصدق
الله ورسولـــــــه متفِّق ** للراسله أفنه حياته
أتبايعه الآيات \\ كلهه بخدمته
شرَّفه للكون \\ فيض أمحبته
نحتاج نعرف عنَّه أكثر \\ والينه حيدر
**---------------------**
ناصبي يسأل الشيعي ليش عندك علي الاول
عله الفطره آنه أوالي بين كـــل الناس الامثل
كَلب عندي أتروَّه حُبَّه ثبت جــذره وماتحوَّل
ماخون عهدي وأنكره
حيدر سراطه ومعبره
حبَّه أمان الاخـــــره ** شيعته مايرضه تنذل
ويّاه بحمــــاه \\ دنيه والحشر
صوبه نجاتي \\ مو اهل الغدر
والواله غَيره دومه يخسر\\ والنه حيدر