ديوان قصائد ألقائيه // خالد محمد مهدي الحجار

((6)) عيون الحقيق
******
لعيون الحقيقه منهو يعميهــــــا **حاضرها سلام ونور راعيهـــا
ماتكدر يباطــــــــل لونك أتغّيره** بنذالت الطبع نفسك ترّبيهـــــــا
بدت من جنَّـــــه ذرّه بعالمه للذر** هاي أوّل القصه وشوف تاليها
أنتـــه ماسجدت الآدم وي أبليس **صافحته المهم نفسك ترّضيهـا
صرت شجره خبيثه والثمرزقّوم**سقيفيّة المنبع حقد يرويهــــــا
أمامك صارت وتامرك بالاحقاد **حكمها عليك ترضاه وتماشيها
تدِّزك عالثلآثــــــه المالهم ذمَّه** عن درب الحقيقـه البغض عاميها
خل نفسك تذلَّك حيـــل تستاهل **حقيقة العقيده أنتــــــــه ناسيها
وأنا نفسي العفيفه بحب علي تربح** وكلبي أبحر حُبَّه صارساريها
مرساها علباب النبــــي والزهره**سفينة رحمه ينجه من صعد بيهـا
وحب المصطفى وآله رجه منشود **من بدأ الخليقــــــه اليوم تاليها
-------------------------------------------------






((من حبيبي أوصفه)) –(7)
من حبيبي أوصفه شذكر وعــــد ** صعبه لحجايات صــــــــارن كلفه
أكتب أبنبضات كلبي اعله الورق** العُشر ماأجزي ولا أوصـل وصفه
روحي صارت حلــم وتمر بسماه** للوصف صارن عيــــــون أو شفّه
شافت ألايات يم كبره هــــــــون ** والمَلك بدموعهـــــــــــــا مصطفّه
البصرمد أحساسه عاين عالجسد ** شاف كــل الكــــــون سـاجد خلفه
عاين أعله النهر يطوي أبروجه ** نظـــــــــر من الروج دمعت وسفه
أخذ روحي البصر وتعنّه الجروف **مايعرفن روجته من نزفــــــــــه
عالشفايف طلعت حجايـــــة عتب **أوفيت ابو فاضل مثــــــــل ماوفّه
صار شكل الماي يشبه الســـــراب** صِحَت روحـي أو نارها ماتطفه
رَّت أبجسمي وحيتنـــي بالطفوف ** وبحلمها لنِّي صـــــــــرت أبطفّه
شفت بحساســـي دمه ونار وفزع ** وعين سهرانه أبــــــــــــد ماتغفه
سمعت دمعت آه تصــرخ ياحسين** أكعد وعايــــــــــن عيون الصلفه
عاش أحساسي صور لون الحزن**وريح سوده للجمــــــــــال أتخطفه
الدموع أتناثرن فوك الجســــــــم ** غسِّلن نحره وجروحــــــه أو جفَّه
الناس باعت للرذيلـــــــه اركابها ** وصار ميزان الاعمــــــال أشخفه
حسين ويَّه العرش تاجــر أوربح **أ ذن الاول نعدَّه أنّصفــــــــــــــــه
الناس باعت كلشي وحسين أشتره** عن يمينه علــــــي أو جدَّه أبصفَّه
عدَّل المال أبدماه دينه حيــــــــاه ** وهوَّ بس نحــــــــر الرضيع ألكفَّه
وعده يبقه أبو اليمه أبلا دفـــــــن** ثلث ليالــــــــــــــــي والعده تتشفَّه
خيامه تندب وينهم أهـــل الرحم ** أوين جفَّه أ‘له اليتيم أو عطفــــــــه
حضِّرتها الحنه بدموع الحــــزن**يبست وشمع العرس دم طَفّــــــــــه
ويَّه دمع الحزن من روحي مشت **جثَّه شافنها أشكثر مختلفــــــــــــه
أتباصرن النبي أشجابه الكربلـــه **خل نجعده ونسأله ونحلفــــــــــــه
أبجن أشما تبجن عليــه يالدموع **هذا الاكبر بدر وجها أو أصفـــــــه
حسِّبت روحي وخذت صفنه أنتباه **لن غصـــن دامي وشوك أيلفّــــه
وين عنَّه رباب تحضـــــــن الورد **تاخـــــــــــــذه وترضِّعه أو يدفّه
ولتوه العامود يم زينب لفـــــــــــه **أيريد منها أتشيل عنَّه الكلفـــــــه
الرايه أجتها وشايله الجود أوجفف **والخيــــم شافتها سجن أومنفـه
يادمع يكدر يداويها الجـــــــروح **أتريدهـــــــــــا عنوانها أو ماتشفه
بروحي فزحلمي ورجع من سفرته **أكعدت وآني نار أشبَّن وطفه
-------------------------------------------------------------