ديوان قصائد القائيه // خالد محمد مهدي الحجار 7//8

((من حبيبي أوصفه)) –(7)
من حبيبي أوصفه شذكر وعــــد ** صعبه لحجايات صــــــــارن كلفه
أكتب أبنبضات كلبي اعله الورق** العُشر ماأجزي ولا أوصـل وصفه
روحي صارت حلــم وتمر بسماه** للوصف صارن عيــــــون أو شفّه
شافت ألايات يم كبره هــــــــون ** والمَلك بدموعهـــــــــــــا مصطفّه
البصرمد أحساسه عاين عالجسد ** شاف كــل الكــــــون سـاجد خلفه
عاين أعله النهر يطوي أبروجه ** نظـــــــــر من الروج دمعت وسفه
أخذ روحي البصر وتعنّه الجروف **مايعرفن روجته من نزفــــــــــه
عالشفايف طلعت حجايـــــة عتب **أوفيت ابو فاضل مثــــــــل ماوفّه
صار شكل الماي يشبه الســـــراب** صِحَت روحـي أو نارها ماتطفه
رَّت أبجسمي وحيتنـــي بالطفوف ** وبحلمها لنِّي صـــــــــرت أبطفّه
شفت بحساســـي دمه ونار وفزع ** وعين سهرانه أبــــــــــــد ماتغفه
سمعت دمعت آه تصــرخ ياحسين** أكعد وعايــــــــــن عيون الصلفه
عاش أحساسي صور لون الحزن**وريح سوده للجمــــــــــال أتخطفه
الدموع أتناثرن فوك الجســــــــم ** غسِّلن نحره وجروحــــــه أو جفَّه
الناس باعت للرذيلـــــــه اركابها ** وصار ميزان الاعمــــــال أشخفه
حسين ويَّه العرش تاجــر أوربح **أ ذن الاول نعدَّه أنّصفــــــــــــــــه
الناس باعت كلشي وحسين أشتره** عن يمينه علــــــي أو جدَّه أبصفَّه
عدَّل المال أبدماه دينه حيــــــــاه ** وهوَّ بس نحــــــــر الرضيع ألكفَّه
وعده يبقه أبو اليمه أبلا دفـــــــن** ثلث ليالــــــــــــــــي والعده تتشفَّه
خيامه تندب وينهم أهـــل الرحم ** أوين جفَّه أ‘له اليتيم أو عطفــــــــه
حضِّرتها الحنه بدموع الحــــزن**يبست وشمع العرس دم طَفّــــــــــه
ويَّه دمع الحزن من روحي مشت **جثَّه شافنها أشكثر مختلفــــــــــــه
أتباصرن النبي أشجابه الكربلـــه **خل نجعده ونسأله ونحلفــــــــــــه
أبجن أشما تبجن عليــه يالدموع **هذا الاكبر بدر وجها أو أصفـــــــه
حسِّبت روحي وخذت صفنه أنتباه **لن غصـــن دامي وشوك أيلفّــــه
وين عنَّه رباب تحضـــــــن الورد **تاخـــــــــــــذه وترضِّعه أو يدفّه
ولتوه العامود يم زينب لفـــــــــــه **أيريد منها أتشيل عنَّه الكلفـــــــه
الرايه أجتها وشايله الجود أوجفف **والخيــــم شافتها سجن أومنفـه
يادمع يكدر يداويها الجـــــــروح **أتريدهـــــــــــا عنوانها أو ماتشفه
بروحي فزحلمي ورجع من سفرته **أكعدت وآني نار أشبَّن وطفه
-------------------------------------------------------------
(( شيوخ الناصبيه))

عــــــد الناصبه شيوخ من أصنـام ** ألهم دارت الدنيه بنواظرهـــــــا
كالو عالرسول الســـاحر المجنون** وعقول البشـر بآياتـــــه ساحرها
ماعرفوا بكلبه الواســـــــع الطاهر** وينابيع المودّه بطيبه فجّرهـــــــا
مساكين ويتامه وناس مظلومـــــه ** بآدابه العظيمه جبر خاطرهــــــا
عن شمس الصبح الكمر فيّالــــــه ** وبليلــــــه الشمس تنشر بشائرها
تحت جدمه التراب أيخضّربلاماي ** وغمامة السمه الخطوته أتسايرها
وجعل رب السمه مكّه بلـــــد آمن ** رحمات العرش عن طه ماسرها
من جفّه المبارك فاض كــل الخير** وسُنَّه أنعيش كل يوم بمفاخرهــــا
لكن هبل والطاغوت زعلانيــــــن ** ولم يـــوم السقيفه ربــع سامرهــا
رجع بيهم عهد ماقبل للأســــــلام ** والموؤده تصرخ من يناصرهــــا
طبخه من الرذائل تلم من كل نوع ** والشيطان بحبالـــــــــه يسامرهــا
أول ثانــــــــــــي بالناعور شغّلهم ** والثالث رعن للفتنه ينشـــــــرهـا
أول شــــــيخ بيهم أغتصب حقّيـن ** خسر دينه وأصّر ماراد يخسرها
ربحها بظنّه من عانـــد نبي الأمّه ** ماسَّر النبي ولا فاطمه ســـــرهـا
قضية فدك أخذتها وضلع مكسور** وجف ظالم العين النور يسطرهـا
وعلي العالي بجه فقّاره مايكـــدر ** يصول عله الكفرلركابها أيطرها
أنغصب حق الولايه البيها الله آمر ** وعلي بعلمه ويقينه يمينه صبَّرها
ثاني شيخ صار المُفتي والقاضي ** وأمورالناس بالبهتــان سيَّرهـــــا
صار الناطــــــق بأمرالله والسُنّه ** الحلال أيحرّمه والسُنّه أخّرهـــــا
وأحكام الشـــــرع والدين حرَّفها ** دللآّل الحميرآيات أنكرهـــــــــــا
وكعد كدر السقيفه من حكم عثمان ** والطبخه ستوَت والله ألّي يسترها
لبس عمَّة الدين وكعد عالكرســـي ** رعاع الناس مثل الغنــــم سيَّرها
ياهو ألّي تلزمــــه يكول آنــه وبس ** من القرآن آيـــــــــــه كوَّه دبرها
الحقيقه الواضحه يامبغض التعميك** أشد معضله حيدرعلــــي يسَّرها
خـــل تنفعك أصنامك التعبدهــا ** أرتقه جتاف النبي حيدر وكسّرها
وأذا متحب علي أيمان ماعندك ** شـــيل الجنَّه من بالك لتتصوّرها

************************************


(( التوقيع))
هنانه جنَّــــــة الحسين
جنَّـــــة البرزخ حسين
جنـة المحشـــر حسين
أنموت وحيتنه محبته
خدّام صحنه وكبّتـــه
الخادم