الحجار
عدد المساهمات : 98
تاريخ التسجيل : 22/11/2012
العمر : 64
الموقع : النجف-الكوفه المقدسة
 |  موضوع: خالد محمد مهدي الحجار\ مجاس عزاء للرسول الاعظم صلى الله عليه وءآله (1)  السبت ديسمبر 28, 2013 6:29 am | |
|
[size=7] مناجات الرسول الاعظم عليه وآله الصلاة والسلآم
*********************
بانت علامات الغدر ** من غمّضته عيونك
من الزهره كسرو الضلع ** غايتهم أيأذونك
وبهظمة المنصاب **ظل الدمع سݘّاب ** غايتهم أيأذونك
***************
أمّتك يانبي الرحمه ** أوياك ماوفَّت الذمّـــــــه
شرّعوا دين السياسه **عالزݘيه صفوا نقمــــه
عن درايه خذوا حقها**والوصل للباب اعمــــه
والنذل مايخفه طبعه **بگصِّته واضحه الوسمه
بالحسره خلوه بضعتك /// دمعه تصب مهظمه
محسن عله العتبه وگع /// يالوعة المالومــــــه
ويامن يفيد عتاب **ظل الدمع سݘّاب
*************
جراح لمصيبته طوتها**من بده بغدره الخليفـــه
حكم شوره گال نحكم **هاي بدعات السقيفـــــه
أنكشف ألنه حقدهــــم**وغدروا العتره الشريفه
للسياسه سيف يحكـم **ودائما خوفه حليفــــــــه
بأول ظلمهم ابتــــدوا/// وانته لموصّي بيها
ݘن مادروا بوصيّتك // ياذينه من ياذيهـــا
من الحاكم الجذّاب ** ظل الدمع سݘّاب
**************
التستر عالجريمــــــــــه **ردي طبعه أونكر دينه
أنصابت وكسروا ضلعها**وآنكرت حقها المدينـه
وحيدر أموصّه بوصيّـــه**منّك أوراعه وَصِينَـــه
ونـــار حرگت باب داره **ماشهر سيفه بيمينــــه
ظلّت تون من الالم /// لاخر عهدها الزهره
واليل بحزانه بگه ///لاصبح هل ابفجـــــره
بينه الجرح ماطاب ** ظل الدمع سݘّاب
********************************************************
بمناسبة وفاة الرسول صلى الله عليه واله وسلّم
((جرح يكبـــــــــــــــــــر ))
********************
جرح يكبر **ضلع محني
عله ابويه الغايب عن عيني
*****************
جنت أصحه علــــــى نوره **ويگابل وجهي بالبسمه
وحس بگلبه يم گلبــــــــــي **وحنان بݘفّه والرحمــه
يمن فدوه تــــــروح الروح **بس سالم يظل أسمـــــه
لكن حكمة الاقـــــــــــــدار **عنّي غيّبت رسمــــــــه
ألمن أشتكــــــــــــــي بعـده **وگلبي لايج بهمّـــــــــه
عدمني الروح ريت الموت **مصيبة والدي عظمـــه
ألك ربي **شكه گلبي
نار وحسره بونيني
***************
جرح وسط الگلب يكبـــر**بعد مايگصد عتابـــــــي
يشيعه شلون أتصبَـــــــر** ولاݘفه يدك بابـــــــــي
أخــذ منّي الزمان وراح **أعز من روحي وحبابي
وخلالي الم فرگـــــــــاه **طعنّي بلوعة مصابــــي
كلها مسجّله عليّــــــــــه ** الآه وحسره بكتابــــــي
اظل بخاطري المكسور **وأفصّل الليل لثيابـــــــي
لخلي الروح ** عمرها تنوح
أريده وياه يوديني
***************
تفيّي خِطوِته الغيمــــــــه ** وتحت جدمه الارض تخضَر
عن شماله ويمينــــــــــــه**ملائكـــــــــــــة السمه تحضر
كلام الطيب بلسانـــــــــه ** وخيــــــــــــــــر بݘفّه يتفجّر
كل نعمه بمضيفه نشوف **ودلاله وهالــــــــــــــة المنظر
وجداني وضمير ينــــوح ** وعينــــــــــــي تعلمت تسهر
أرافگ ليلي ونجومــــــــه **أتانــــــــــــــي العافني يظهر
على سعدي **حكم وعدي
وغايبه والله ياذيني
***************
شرع الباري وأحكامــــه**وأصول الدين وفروعــــه
بروحه الطاهره وجسمه **سور وآيات مزروعــــــه
عاف الحير والحســـــره ** وكلب يطّوه بضلوعــــه
أون ليلـــي التنامه الناس **أوألاگي صبحي مفجوعه
بعد ماريد شمس الـــيوم **وگمر ماريد وطلوعــــــه
الغوث من الزمان الجار **الروح أبونها مصدوعـــه
يحن حالي ** على حالي
اعوف الخاطره سنيني
****************
الحــــــــــال اشكيه من بعده**ماسر ناظري بفرحـــه
على بابي تشّب النـــــــــــار**وليل ماشفت صبحــــه
عله صدري بحقد عصروها**ونبت بسمارها بجرحه
السقيفه سنّت القانــــــــــون **اليحبَه لازم تذبحـــــــه
وراثـــــــه صارت الشورى**أصحابه نسوا نصحــه
ولوني اليوم ** بظلم للدوم
خلافك بويه ناسيني
***************
قصيده بمناسبة وفاة الرسول الكريم محمد صلى الله عليه واله الطاهرين
(( جـــاء الحٌق))
******************
جاء الحقُ**نطق الصدقُ
أنَ البا طل كان زهوقـــــا
******************
عله آملاك السمه ربّي عرض أمره **يقل للشيء كن كان على يسره
تحتاج الامانــــــــــــه المالك القدره **حتّه الجبل منها ينكســر ظهره
من يرعاها**من ينساها
لم يعطيها أي حقوقـــــــا ** ان الباطل كان زهوقا
************
الأمانه الينظر العرشه يشاهدها **عله يمين العرش ويساره گعدّها
النور ألّي يشع للناس شاهدهـــا **من اصلابها اعله العهد شهّدهــا
قطعوا عهدا ** يوفوا ودّا
والله وعده موثوقـــــــــــــا ** ان الباطل كان زهوقا
**********************
آدم نوح منها أصلاب تتحرر**حتّه الطه وصلت والعرش قرر
أقراء يامحمد للأسـلام أظهر** نبيّ الله أنته آصــــدع بما تؤمر
بالرايات ** للصعبات
وبِركبك الكلُ لحوقـــــا ** انَ الباطل كان زهوقا
****************
منازل للرسل صنّفها رتبهــــــا **حبيب المنزله بقرآنه كاتبها
تمربيك المآسـي تعاني اصعبها **فاز اليوّد شجرتكم أويگربها
الاحرار** الانصـــار
يتبعك من كان صدوقا** انَ الباطل كان زهوقا
********************
رسل ارسلها للدنيه برسالاته **توَضح للبشر رحمات غاياته
ومن ݘفَك بحر زاخر بنعماته **لأنّك آمنت أبقدرته وذاتــــــه
تعلوا رقّيا ** رغم الشّقيّا
بمكان عال مرموقــــــــا ** أنَ الباطل كان زهوقا
*********
[size=7] [/size][/size] | |
|
" />
" />
" />
