خالد محمد مهدي الحجار \\ قصيدة ((يمته ترجعون))

((يمته ترجعون))
*************************
أبقه أنا والدار أنتانـــــــي اليمرّون** بليلي ونهاري أحتار تتصبّه لعيون
يمته ترجعون ** يمته ترجعون
**--------------------------**
غيبتك ماي العين طالت عليَّــــه ** أنتظر يوم بيوم أترجّـــه جيَّـــــه
ينوح داري وياي يبن الزجيــــه ** والدموع أتصب نار صُح ومسيَّه
يمته ترجعون ** يمته ترجعون
**----------------------**
أرجعلي خليها وياك تفرح سنيني ** تمسحها للدمعات ويهجع ونينــــي
الكلب ماينساك يمته تجيني ** أسأل وكولن ياوكت تنظرك عيني
يمته ترجعون ** يمته ترجعون
**------------------------**
فركاك مامر لاخطر يوم أعله بالي ** ظلّيت أتاني طيوفك أتمر بخيالـــــي
يالرحتوا عفتوني بس همّي صفالي ** من وجهك المهيوب ظل الدار خالي
يمته ترجعون** يمته ترجعون
**------------------------**
شحسب وعد أيام عمري ألّي عدّن ** مصايبـــــي بغيابك فوك الراس هلَّن
والفرح والاحـــلام من عندي ولَّن ** من كربله وطفها خاف عيوني يعمن
يمته ترجعون ** يمته ترجعون
**---------------------------**
تبقه تنوح وياي يانجمه أعدهه ** ويّاك أخذت الروح بأيدك تردهــــه
قسمتي هذا اليوم ,أيامي حدها ** فوك الجبين أنكتبت وأسمك وعدهه
يمته ترجون** يمته ترجعون
**--------------------------**
أرجعلي دربك أزرعه ورود وريــاحين ** يحسين تدري بينه بمحبتك مجانيـن
كاصد بيومك للقمم ترفعه للديــــــــن ** نبض الكلب أنته تظل والشوف بالعين
يمته ترجعون ** يمته ترجعون
***************************

» خالد محمد مهدي الحجار \\ قصيدة بحق(( الوطن الحبيب))
» خالد محمد مهدي الحجار \\ قصيدة أمل التغيير ((حول الانتخابات))
» خالد محمد مهدي الحجار \\ قصيدة ((حبك من يانوع)) مبرئين الذمَّه
» خالد محمد مهدي الحجار\\ قصيدة ((اصعب أيامي)) مبرئسن الذمَّه
» خالد محمد مهدي الحجار \\ قصيدة ألقائيه ((لقاء أم البنين مع العقيله ))